Ndryshime në listën e Sylvinhos/ Braziliani afron tek kombëtarja A, “Modriçin shqiptar”

15:04 | 8 Tetor 2024
D.H

Lista e kombëtares shqiptare ka pësuar një ndryshim gjatë ditës së sotme.

Departamenti i Komunikimit në FSHF bën me dije se trajneri Sylvinho ka vendosur të afrojë në skuadër mesfushorin e Shpresave, përcjell Arbresh.info.

Feta Fetai. Lojtari do të bashkohet me ekipin në stërvitjen e pasdites dhe do të jetë pjesë e skuadrës për dy ndeshjet e Kombëtares ndaj Çekisë dhe Gjeorgjisë.

Ndryshime ka edhe në listën e ekipit Kombëtar U-21. Trajneri Alban Bushi ka vendosur të thërrasë në grumbullim mesfushorin e Tiranës, Hajrulla Tola si edhe portierin e Vorës, Arbër Jata.

Portierët Simon Simoni dhe Endri Dema kanë ngarkesë në muskuj dhe për pasojë i duhen dy ditë të plota rikuperimi.

Shqipëria U-21 do të luajë më 15 tetor kundër Armenisë në stadiumin “Air Albania” në ora 18:00.

Shpërndaje në rrjete sociale

Lajmet më të lexuara

Të ngjashme

Foto lajm